1تقييم

علاقتي بابن عمي وغيره زوجي؟

السلام عليكم
انا مصريه متزوجه سعودي وعايشه بمصر وينزل لي كل مده
زوجي يرفض اني اكلم الرجال بدون اذنه, انا موافقه المشكله انه يريد مني اقطع اتصالاتي مع ابن عمي وانا علاقتي معه صداقه وقرابه فقط
وزوجي كان يتقبل كلامي مع ابن عمي الى ان شاف رسائل بينا وهو يهزر معي يقول "لو جيت عندك بغتصبك انت وصحباتك" حاولت اشرح له انه هزار مش اكتر ,بس زوجي بيقول انه الكلام سافل وعيب و لازم تقطعي علاقتك بيه

هل زوجي صح؟ انا بالفعل وقفت كلام مع ابن عمي بس بديت احس ان زوجي يحب يتحكم و يسيطر لاني مش شايفه بكلامنا حاجه عيب او غلط

تحديث:هو اسلوبه كدا بالكلام مش بيقصد حاجه انا زي اخته,مش مفروض زوجي يثق بيا و مش يهددني بالطلاق اذا كلمته تاني

7 إجابة

2تقييمات

MuslemForEver نقاط11564
كلام زوجك صحيح مليون في المائة , وكلام ابن عمك مستحيل يصدر من شخص محترم ومتربي وعنده خوف من الله ...وكارثة تماما لو انتي شايفاه عنده ذرة أدب أو أخلاق

اقطعي علاقتك به تماما , واتقي الله في زوجك وفي نفسك

no-one تم التعليق عليه يوليو 6، 2016

هو اسلوبه كدا بالكلام مش بيقصد حاجه انا زي اخته,مش مفروض زوجي يثق بيا و مش يهددني بالطلاق اذا كلمته تاني!

MuslemForEver تم التعليق عليه يوليو 7، 2016

يمي ايه زي أخته ؟؟؟؟؟ في حد عنده أقل درجة من الحياء والتربية يقول كدة لأخته ؟؟؟
حضرتك غريبة عنه , ومتزوجة كمان , وكلامه اللي قاله لا يصدر من شخص عنده ذرة من أخلاق أو تربية أو دين أو حياء والله ....وزوجك معاه حق تماما , ويشكر جدا إنه لم يتخذ موقف إلا التهديد , دة رأيي بما يرضي الله تعالى

دكتور محمود الحربي تم التعليق عليه أغسطس 29، 2016

كلام الاستاذ MuslemForEver صحيح 200%

1تقييم

العامري20 نقاط50836
نفس كلام الاخ MuslemForEver تماما

لو قال كلام محترم كان عادي

1تقييم

Ahmed Al-Zahrani نقاط24540

نعم كلامك زوجك صحيح 

1تقييم

King_In_The_North نقاط184

أولا، زوجك ما عملش كدا غير عشان يحافظ عليك وعشان بيحبك وبيغير عليك، ثانيا: الكلام الصادر عن ابن عمك كلام غير مقبول وقلة أدب بشكل واضح حتا لو كان هزار، الهزار له حدود، وتصرف زوجك طبيعي جدا ودا اللي أي زوج هيعمله لو مكانه بل أكتر من ذلك ، كلام الإنسان بيبقا دليل على أخلاقه ، عشان كدا أختي الكريمة أتفق مع زوجك انك تغيري معاملتك مع ابن عمك بمعنى انه يبقا مجرد ابن عم زيه زي اي حد فى المناسبات اهلا ازيك وانتهى الأمر أما ان يصل الى حد الهزار والحميمة فى الكلام فهذا غير مقبول وتصرف زوجك المفروض يتفهم كما هو على انه زوج يغير على زوجته ويحبها ولا يتحمل أن يراها تحدث آخرا فى أمر جارح كهذا مهما كان الاخر. وفقكما الله وجمع بينكما فى كل خير واعلمي أن زوجك لم يتصرف هكذا الا عن رجولة وحب لك وحفاظا عليك.  ازاي مفيش حاجة عيب أو غلط فى كلام ابن عمك؟ طيب حطي نفسك مكان جوزك لو لقتيه بيكلم واحده بنت عمه وبيقولها نفس الكلام هل هيبقا تصرفك هوا نفسه وبنفس الهدوء حتا لو قالك دي زي أخته!!! دا مش تحكم ولا حاجة دا خوف عليك وواجب الزوج لزوجته انه يحافظ عليها ويغير عليها ولو معملش كدا يبقا مش زوج ولا راجل يستحق زوجته. ربنا يوفقكم ويسعدكم.

0تقييم

مستفزة نقاط964
بما انكم طلبتوا رأيي بالموضوع ..

وبما انه خير الكلام ما قل ودل

بكل احترام زوجك على حق

واصلاً لا يوجد اي علاقة تربط الرجل بالمرأة الا وتشوبها شائبة

0تقييم

السلام عليكم ورحمة الله وبركاته 

اختي العزيزة 

كلام زوجك صحيح وليس فيه خطا وما يقوله لك ما هو الا دليل على حبه لك وغيرته الكبيرة عليك 

والكلام الذي قاله لك ابن عمك ليس من المفترض ان يقوله والرجال اعلم بخبايا بعضهم

حتى ولو كان هزار كما قلتي يجب انيكون هناك حاجز واحترام للمراة المتزوجة

او حتى حاجز للهظار

واتمنى ان تتقبلي ما يقوله زوجك وان تعرفي ان ما يقوله لك ما هو الا غيره عليك ودليل على حبه لك 

 

 

0تقييم

اقطعي العلاقه تماما معه ولما يتداب ارجعي له

من فضلك سجل دخولك أو قم بتسجيل حساب للإجابة على هذا السؤال

هل تعرف أي شخص يستطيع الإجابة ؟ شارك هذا السؤال مع أصدقائك

...