1تقييم

هل في الشاب في الجامعة يجب ان يكون ناضجا؟؟؟

هل الشاب في الجامعة يجب ان يكون ناضجا ولا ايه ولا لسه مراهق في تصرفاته وتفكيره وهل يجب عليك مخالطة بعض الطلبة الي عقولهم لسه تافهة (اطفال) بالذات بتوع سنة اولي ولا ايه لأن كنت بكلم واحد فيهم قالي ان الرشد يبدأ بعد 30 سنة وقبل الثلاثين عيال طبعا الكلام ده تهريج بس انا عايز اعرف رأيكم ؟؟؟

2 إجابة

0تقييم

العامري20 نقاط50890
اكيد ....

0تقييم

King_In_The_North نقاط184

الجامعة مش معناها نضوج، لكن عموما سن الرشد والعقل بجد بيبدأ من 21 سنة، أقل من كدا فهو مراهق أو تفكيره لسه وردي أو خيالي يعني ما وصلش لسه لعالم الواقع، أنا مثلا لما كنت طالب جامعه كنت فى أولى وتانيه مش زي  تالته ورابعه ، الواحد نضج وفهم الدنيا وعرف الواقع على عكس سنه أولى الدنيا وردي وكل شيء على بعد ضغطة ريموت ، وطبعا لما بتوصل مراحل متقدمة وتخلص جامعة الواحد بيبص لنفسه فى أولى وتانيه ويقول دا انا كنت متخلف بشكل ، ايه دا؟ مين دا؟ دي طبيعة الدنيا، وطبعا معروف طلبه أولى وتانيه بيقوا لسه خارجين للشمس ومفكرين انهم لسه فى ابتدائي فدا العادي ان تفكيرهم يبقا محدود وسطحي شويه ويضحك وساذج لأبعد الحدود بحيث انك ممكن توصل مع ناس لدرجة "عامله على قد عقله" أو جملة "اصله لسه سنه أولى" لكن دا كل بيتغير فى السنين النهائية والتخرج بشكل عام يعني بعد سن ال21  ، انا بتفق معاك ان دا كلام فارغ، ال30 دا سن اعتزال الكورة مش سن الرشد خاااااااالص! لو 30 سنة الرشد يبقا المعاش 85 سنه بقا!!!!! ويبقا المنتخب كله شباب فوق ال70 اضحك واستمتع بسنين الكلية لأنها أجمل فترة وبجد مش هتتعوض، وعامل كل زمايلك باحترام بحيادية بمعنى ما تقربش اوي بحيث يعرفوا عنك كل حاجة وما تبعدش اوي بحيث ما يقولوش انك بتتكبر عليهم يعني لا تبقا سي لطفى زي الراجل اللي فى فيلم اسماعيل يس ولا تبقا منغلق اوي ، شويه بشويه ومع الايام هتحس ان فى حد بيقرب منك وانه اخلاقه كويسه يبقا صاحب لك تذاكروا سوا تقضوا وقتكم سوا إلخ. ربنا معاك وأهم حاجة ذاكر كويس عشان تجيب تقدير كويس يفيدك فى مستقبلك. 

من فضلك سجل دخولك أو قم بتسجيل حساب للإجابة على هذا السؤال

هل تعرف أي شخص يستطيع الإجابة ؟ شارك هذا السؤال مع أصدقائك

...